قبل فترة حطيت سؤال تصويت ( هل تهتم بالمشاريع الصغيرة ) والاختيارات كانت 1- نعم لدي مشروع و محل 2- نعم لدي مشروع أديره بالمنزل 3- لدي المال وأبحث عن فكرة 4- لدي فكرة أقوم بتطويرها حاليا 5- لا أهتم ولكن أعرف أشخاص لديهم مشاريع 6- لا أهتم إطلاقاً

الإختيار اللي حصل على أعلى تصويت أهو “لدي مال وأبحث عن فكرة” حصل على 33 صوت من أصل 133 ، رجعنا حق الفكرة واللي قلت إنها أساس كل المشاريع اللي حوالينا وكتبت عنها بموضوع سابق – إضغط هنا – هاذي أصعب مرحلة، الواحد وده يبلش بمشروع بس مايدري شنو يسوي بالظبط، وإذا لقى فكرة تعجبه يتردد ومايدري إذا صج بيجابل ويكمل ولا لا، انشالله راح أتكلم بموضوع ثاني عن طريقة إختيار المشروع الأمثل لكل شخص