أمس كنت مواعد صديقي العزيز مذيع نشرة الأخبار الرياضية في تلفزيون الوطن مشاري المضاحكة، تواعدنا في تلفزيون الوطن وقعدنا نسولف شوي بإستراحة التلفزيون بعدين خذاني بجولة حق استيديوهات التلفزيون

أول شي دشينا استيديو الأخبار، هذا باب الاستيديو، لما شفت لوحة “على الهوا” اللي فوق الباب قلت صااارت الصجية، العادة بس أشوفها بالأفلام لول

هذا استيديو الأخبار من داخل .. شي مو طبيعي

هاذي الشاشات اللي يقرون فيها الأخبار، يطلع الخبر بالشاشة ويقرونه، كل شاشه لها كاميرا و لو تلاحظون أكو رقم تحت كل شاشة عشان المخرج يقول حق المذيعين رقم الكاميرا اللي قاعدة تصورهم ويشوفونها وهما يقرون الخبر

بعدين دشينا على برنامج الإعلامي المتألق عبدالعزيز عطية وهو على الهوا لول، الحلو أن كان عنده آي باد على الطاولة اعتقد عشان يقره عليه بعض الأخبار، بعدين شفنا استيديو تو الليل و صباح الوطن، كان ودي أصورهم بس كان ظلمة و كانو مغطين الديكورات بكفر فقلت ماراح يبين شي

صارت الساعة 8 وبدت نشرة الأخبار على قناة الوطن، راح مشاري يجهز نفسة وبعدين دش أستيديو الأخبار، كان ودي أدش معاه بس ممنوع الدخول لغير الموظفين أثناء النشرة، بعد النشرة الرياضية طلع مشاري و قعدت أسئلة جم سؤال عن طبيعة عمل المذيعين و القناة بشكل عام وماقصر عطاني فكرة عن الموضوع، شغلهم ممتع كله حركة و حيوية ماشالله، في النهاية أشكر أخوي مشاري المضاحكة على الجولة الممتعة في تلفزيون الوطن وأشكر كل الموظفين اللي قابلتهم بالقناة على رحابة صدرهم، وبالتوفيق يا مشاري وانشالله نشوفك أكبر إعلامي “بالوطن” العربي