تلفزيون قوقل .. ثورة يديدة في عالم الإعلام، فكرته أن يخلون المشاهد يشوف الافلام والفيديوات بالتلفزيون و بالوقت اللي اهو يبيه، يعني ماراح يكون في وقت معين حق كل برنامج وكل مسلسل، بس شغل تلفزيون قوقل و اختار المسلسل اللي تبي تشوفه، الزباين لهم الخيار يا أن يشترون تلفزيون قوقل أو أنهم يشترون جهاز صغير مثل الرسيفر يركبونه على تلفزيونهم ويصير جنه تلفزيون قوقل، وفيه ميزه تخزين الفيديوات المفضلة، أتوقع بيسوون هالخدمه بالاستعانه بيوتيوب بس بشكل إحترافي أكثر، إذا اشتغلت هالخدمة بتقلب العالم كله !! تخيلو يعني أي واحد يحط فيديو على يوتيوب راح ينعرض بكل بيت عنده تلفزيون قوقل !!! تره شي قوي مو هين، و بتصير قوقل تتحكم بكل شي ينعرض على التلفزيون وراح تملك الإعلام في العالم