كنت مار اليوم بالليل على شارع الخليج ولحسن الحظ كنت بشارع داخلي صوب عيادة أسنان، وكان شارع الخليج مصكر وحده مزدحم، لما وصلت آخر الشارع عرفت أن حادث، هالسيارة سيارة مرة كبيرة كسرت خاطري كانت واقفة عند الإسعاف وكانو يقولون لها قعدي بالإسعاف عشان نسويلج أشعة، والجيب الأسود اللي بتشوفونه تحت مال ولد تقريباً عمره 19 أو 20 وكان قاعد داخل الإسعاف والحمدلله أن الكل سليم لكن المرة فيها رضات الظاهر والولد مصدوم وقاعد بسيارة الإسعاف، وللأسف أن نشوف هالحادث بأسبوع المرور.. على العموم الحمدلله عالسلامة للكل

شفت هالخبر بجريدة الوطن: تنكر داعم سيارة ومادري شلون صار فوق الدورية وخفسها، الحمدلله أن الشرطة كانو يخططون الحادث

والحلو بالموضوع أن راعي التنكر وراعي الدورية كانو يعلقون على الخبر بموقع الجريدة! عاد مادري صج أهما ولا لا بس كانت قراية التعليقات ممتعة – المصدر