رحت أحجز حق مسرحية بخيت وبخيته على مسرح نقابة العمال في ميدان حولي

هاذي أسعار التذاكر، طبعا العروض بس أيام الخميس بس للأسف الخميس الياي كان كله فل، ماكو كراسي فاظيه إلا آخر سطرة، وسألت عن الخميس اللي وراه ولا هم نفس الحالة ماشالله، أنا آخر مرة رحت حق مسرحية أيام الثانوية.. ماتوقعت الإقبال على المسرحيات الحين بهالكثرة ماشالله

ليش ممنوع الدخول بالشورت!!؟ أكيد صار موقف بايخ مع شخص واحد وقالو ممنوع الشورت على الكل

سعر التصوير مع الفنانين 2.500 دك بس شدعوة “أ4″ وايد كبيرة، المهم اللي بيحجز حق تاريخ 30-9-2010 أو 7-10-2010 راح يحصل بالسطرة الأخيرة، ويقولون أن الكراسي كلهم على سطرة وحده يعني مو مدرجات مثل السينما.. على العموم راح أتصل فيهم بين فترة وفترة لعل وعسى ألقى حجز في الكراسي الأمامية، وهذا رقمهم حق اللي يبي يستفسر 25653731