توني طالع من فلم تورا بورا والفلم عجيب صراحة وعمل نفتخر فيه، قصة الفلم عن أحمد الشاب المتحمس للجهاد والشهادة ويروح طالبان ويلتحق بمعسكر المجاهدين، ويلحقونه أمه وأبوه “أسمهان توفيق و سعد الفرج” علشان يطلعونه من أفكار الجهاد اللي داشه مخه، بعدها يلحقهم ولدهم الثاني “خالد أمين” وتصيرلهم مواقف مرة وشديدة

في ناس كان عندهم إنتقاد للفلم لأن بعض المشاهد اللي يتكلمون فيها أفغاني مو مترجمة أو ماندري شيقولون بس من وجهة نظري أعتقد أن المخرج يبينا نحس بالكويتيين اللي بالفلم لأن حتى أهما ماكانو يفهمون اللغة الأفغانية، بشكل عام أعطي الفلم 9/10 وأنصحكم تشوفونه

أنا واحد من المعجبين بالفنان خالد أمين لأنه يختار أدواره بدقه و مايختار أي دور، أدواره و أعماله كلها هادفة ولها رسالة واظحة، نشوف بالصورة الفنان خالد أمين في أحد مشاهد مسلسل تورا بورا اللي تتكلم قصته عن الجهاد في أفغانستان، تصوير المسلسل سينيمائي عجيب، وهذا التريلر ماله، أتوقع وايد شافوه من قبل

من النجوم المشاركين في المسلسل الفنان سعد الفرج و الفنانة أسمهان توفيق، المفروض نشوف المسلسل في وقت قريب ولكن فريق المسلسل وقف التصوير بسبب عدم حصول بعض الممثلين على فيزا لدخول ألمانيا عشان يصورون بعض المشاهد هناك، والمسلسل من إخراج المخرج وليد العوضي