Lakoocha Frozen Yogurt Cafe

بعد ما طلبنا استأذنت من الموظفين عشان أصور ، جان يقولون لي كلم المدير

كان موجود بالكافيه ، وكلمت المدير الأخ إبراهيم المرجان وهذا الحوار اللي

:صار بينا من بعد الإستقبال والترحيب من قبل الأخ ابراهيم المرجان

انا: من متى بديتو المشروع أخ ابراهيم؟

ابراهيم: الفكرة كانت موجوده قبل سنتين بس واجهتنا ظروف معينة أخرت

المشروع ، وتم الإفتتاح الفعلي للمشروع قبل فترة بسيطة بس الحمدلله

استفدنا من التأخير وكل تأخيره فيها خيرة

انا: أكيد ، بس ممكن توضح لنا أكثر؟

منتج يديد بالكويت فكان يبيله حملة  Frozen Yogurt ابراهيم: لأن الـ

PinkBerry إعلانية كبيرة عشان نعرف الناس بالمنتج ، بس لما فتح

عرفت الناس بالمنتج وهالشي ساعدنا وايد وسهل علينا المشوار

انا: انت بديت بالمشروع بروحك ولا في معاك ناس يساعدونك؟

ابراهيم: احنا 3 متشاركين بس أنا اللي اكون متواجد في الكافيه دايما

و لما يكون ضغط على الكافيه تلقاني أساعد الموظفين بالشغل

لأن الواحد لازم يهتم بحلاله بشكل قريب علشان يعرف المميزات

.والعيوب بمشروعه ويحاول يطورها بأفضل شكل ممكن

انا: شنو الخطط المستقبلية للمشروع ؟

ابراهيم: انشالله راح نشارك في معرض في الفترة اليايه

و انشالله نتوسع أكثر ونلبي كل رغبات الزباين

انا: مشكور على وقتك وعلى المعلومات والله يوفقكم انشالله

Lakoocha Frozen Yogurt samples

Original ورحت طاولتي وقعدنا انا وصاحبي ناكل ، كنا طالبين

جان ايينا الموظف ويايب لنا سامبل من كل نوع عشان نجربهم لول

ماقصروا صراحة تعاملهم كان حلو معانا ، جربنا السامبلز وأحلا

Mango و الـ Original شي الـ