إعلان من شركة سينسكيب بعدم توفر برنامج لها على الآب ستور لحد الآن وإنها بصدد إنشاء برنامج مجاني خاص بها سيعلن عنه لاحقاً
بالفترة الأخيرة كل ما أدش موقع السينما أبي أحجز حق فلم وأوصل حق صفحة إختيار المقاعد (شباب أو عوايل) أسمع صوت لحن يشتغل ثانتين أو 3 ويسكت، اليوم قعدت أحوس بالموقع وقعدت أدور مصدر الصوت من وين؟ لما اكتشفت أن الصوت يطلع من إعلان بنك الخليج اللي فوق، ولما ضغطت على زر الصوت اللي مأشر عليه بالسهم قام يشتغل الصوت مرة ثانية! هالصوت شوووي مزعج بس اعتقد أن البنك حاطينه متعمدين لأسباب تسويقية
راسلني أحد الأصدقاء وهو متخصص في تصميم برامج الآيفون وأخبرني بأنه يوجد شخص اسرائيلي يقوم بدس برامج غير هادفة ومخلة بالآداب في سوق برامج الآيفون الكويتي والخليجي بهدف إسفاد المجتمع الإسلامي واستغلاله مادياً
ومن آخر البرامج المثيرة للجدل هو تصميم برنامج لشركة السينما الكويتية ( سينسكيب ) لحسابه الشخصي واستخدم أسم الشركة القانوني، ويوجد استياء لدى مستخدمي البرنامج وشكاوي على أنه لا يعمل، وهذا الشخص يدعى
akram artoul
إضغط هنا لمشاهدة بروفايل أكرم في موقع لتصميم برامج الويب
إضغط هنا لمشاهدة بروفايل أكرم في موقع لينكد إن
إضغط هنا لمشاهدة برنامج سينسكيب من تصميمه في موقع آيتونز
كل المجمعات صارت زحمة خصوصاً بعد ما عطلو المدارس، و مجمع 360 كله زحمه هالأيام عشان السينما، في ناس تشتري التذاكر بالنت و تستلمها من جهاز استلام التذاكر اللي يم السينما وقام يصير زحمة عند هالأجهزة، بس حبيت أقولكم تره في مكان ثاني حق هالأجهزة بين النافورة و مدخل جيان، هالأجهزة كلا فاظية وماكو ضغط عليها
أمس شفت فلم توي ستوري 3 ، المقدمة كانت قوية والقصة روعة وأحداثها غير متوقعة، مدة الفلم 1:45 دقيقة تقريبا و طول هالفترة كنت مندمج، من المشاهد الحلوة لما باز يتكلم أسباني لوول لازم تشوفونه، بالأجزاء القديمة كانو يترجمون أسم “باز يطير” يكتبونه “بظ يطير” لول بس الحين عدلوها خلوها “باز” ، لما رحت الفلم كنت متوقع أن في حركات 3 دي قوية مثل أفلام المركز العلمي، بس حسافة توي ستوري 3 دي عادي مافي صور تييك بويهك وتخرعك لول
هذا تريلر توي ستوري 3 ، أعطي الفلم 10/10 يستاهل
هاذي صفحة الحجوزات في موقع السينما، جم مرة أطق زر سبمت عشان أحجز و أكون ناسي أختار طريقة الدفع ( كي نت ) مادري ليش لازم نختار طريقة الدفع!؟ بما أني مختار طريقة دفع وحده عيل ليش يخلون اليوزر يختارها !!؟ المفروض يلغونها ويقولون تره الدفع عن طريق الكي نت، أو يخلون السستم يختار الكي نت اوتوماتيكياً
Loading ...
HiKuwait Blog is proudly powered by
WordPress
Entries (RSS)
and Comments (RSS).
ملاحظة: جميع التعليقات تعبر عن وجهة نظر اصحابها وليست وجهة نظر المدوّن