كنت طالع مع واحد من الشباب وقالي أن احنا الحين بشهر 10 ممم قلت له أوكي؟ شنو يعني؟ جان يقولي يعني صارلك سنة من فتحت المدونة، أنا صار فيني جذي @@ !!!؟ لول والله ماحسيت فيها، الوقت مر بسرعة وبغمضة عين!! من لا يشكر الناس لا يشكر الله، وبهالمناسبة حبيت أشكر كل الزملاء اللي وقفو معاي في بداية مشواري في عالم التدوين وأخص بالشكر الإخوان
اللي كان لهم دور كبير في التشجيع والمساندة، وأشكر الديزاينر اللي تعبني معاه عشان نسوي الديزاين لول أهو عارف نفسه وماقدر أذكر أسمه لأنه يحب الخصوصية،وكذلك ما أنسى المبرمج اللي مظبطلي المدونة كلها من الناحية الفنية، يعطيكم ألف عافية.. أتمنى للجميع الإستمرار في هذا العالم الرقمي الممتع، وتحياتي لكم
دق علي صاحبي يسأل عن آخر الأخبار والمستجدات، وباركت له على عيد ميلاده لأني شفته مصور مع كيكة وحاط الصورة بالفيس بوك، جان يقولي هاليوم سالفته سالفه، وبدا يقولي تفاصيل عيد ميلاده اللي كلفه أغلى من بيع السوق لول، قالي أن عازم ربعه الخمسة على العشا بمناسبة عيد ميلاده وراحو مطعم “ميت كو” في مجمع 360 وخذو المنيو وطبعا أهو اللي عازمهم فكل واحد طلب الوجبة اللي يبيها، اللي طلب ستيك واللي هامور واللي أختار الكيكة، وكلو وستانسو مع ستاف المطعم الأفريقي وكان ستاف المطعم يتغشمرون معاهم ويطبلون ومن هالكلام، نيي حق المهم، بعد ما خلصو أكلهم ويابو الفاتورة خذاها أول واحد جان يبقق عينه، عطاها حق الثاني جان يعتفس ويهه، عطاها حق الثالث جان يتبلعم، لما وصلت حق صاحبي جان يشوف الفاتورة ولا سعرها 97 دك لوول @@ شنو هذا، لما جيك على أسعار الوجبات ولا كل وجبة على 20 دك تقريبا، في وجبات رخيصة بس الستيكات غالية
دق علي واحد من الشباب وقالي شوف الوسيط فيها خوش اعلان حطه بالبلوق، جان أشوف هالإعلان لول، اللي يشوف أنه مجسم ويبي يستثمر جسمه خل يدق على الرقم اللي بالإعلان
في نصايح عن الأكل في أول أيام العيد سمعتها بالرادو وحبيت أشاركم فيها، بما أن أول يوم عيد كله زوارات وكل بيت يقدم أنواع من الحلو والعصاير فالأطباء ينصحون بعدم الإكثار من الأكل في نهار أول يوم عيد لأن المعدة متعوده إنها تكون فاظية الصبح، واللي ياكل كمية كبيرة في الريوق ممكن يصير معاه مغص، فأحسن حل أن الواحد يشرب عصير أو ياكل فواكة الصبح عشان يسخن المعدة وبعدين ياكل على كيفة
حبيت أبارك لكم مبجر وأفولكم عيدكم مبارك وكل عام وانتو بخير، أخليكم مع الغنية الشهيرة اللي لها طعم خاص “العيد هل هلاله، كل الطرب يحلاله” غناء محمود الكويتي إهداء لكل الزوار خصوصاً حق الطلبة خارج الكويت عشان يحسون بالعيد لول
Loading ...