وصلني ايميل قبل قليل قطع قلبي، عبارة عن موضوع يثير شعور الإنسانية لدى أي إنسان سوي، يقول صاحب الموضوع
———-
أنا انسان من فئة البدون بالكويت واليوم ماني جاي اطالب بجنسيه ولا شي..

الموضوع اهو فيزا الحج للبدون.. بالرغم من ارتفاع سعر الفيزا اللي السفير قال انها بلاش لكن لم تصدر ولا فيزا لهذا اليوم والسفر للحج باقي عليه ايام..

ياخوي موضوع تكتبه اليوم لنصرة اخوانك.. مانبي تهويل ولا كلام عن الجنسيه.. نبي حقوق مدنيه فقط، خير الكويت وصل كل العالم لكن ماوصل البدون!!؟

ياخوي بعد ماجمعنا الفلوس ونبي نقضي فرضنا.. السفاره السعوديه لين اليوم لم تصدر الفيزا وخايفين هالسنه مايسمح لنا بالحج.. بالرغم انه جواز البدون مشابه لجواز الكويتين ولكن اللون يختلف
———-
وانا اقول حق المسؤولين تره البدون قضية إنسانية قبل لا تكون سياسية، وأقول حق الجماعة اللي دازين الإيميل الله يعوضكم خير ويرزقكم ويفرجها عليكم انشالله