الحمدلله وبفضل الله ثم بفضلكم حصلت المدونة على المركز الخامس ضمن أول 10 مدونات كويتية، الصورة أعلاه من موقع فرانكوم وحبيت أشرح الترتيب اللي يم المواقع لأن في ناس وايد مو فاهمة طريقة عمل موقع أليكسا

موقع أليكسا هو موقع لترتيب المواقع الإلكترونية، يقدم نوعين من الترتيب، ترتيب عالمي و ترتيب محلي، الحين بالكويت أكو مواقع كثيرة، مواقع جرايد ومنتديات والعاب ومدونات وغيرها، الرقم اللي بالصورة على يمين المواقع هذا ترتيب المدونة في دولة الكويت، والرقم اللي على يسار المواقع هذا ترتيب المدونة من بين المدونات الكويتية، وفي ناس يدشون موقع أليكسا عشان يتأكدون من الترتيب ويلقون الترتيب غير عن اللي بالصورة ويقولون في غلط بالترتيب، أهو مو غلط بس لأن موقع أليكسا يرتب المواقع بشكل يومي، يعني ترتيب اليوم غير عن باجر وباجر غير عن عقب باجر، وفي الختام أشكركم جميعاً على متابعتكم لمواضيع المدونة وأتمنى لكم الإستمتاع في تصفحها