أمس كانت لي تجربة ممتعة بمطعم دون ماريوز على شارع الخليج خلف شريمبي

قدموا لنا التصبيرة، قطعة خبز مع زعتر وطماط

طلبنا مارغاريتا والله حلوة وخفيفة وكبيرة

الطلب الثاني فيتوشيني بورشيني، عبارة عن باستا مع صلصة الفطر، حلوة حق اللي يحب باستا ثقيلة وحطيت عليها فلفل تاباسكو يعطيها نكهة عجيبة

اخترت تاراميسو حق الحلو، التراميسو مايتطوف كلش هذا أكثر شي عجبني، مكون من كريمة وكيكة كاكاو على قهوة، شي مو طبيعي

وختمنا العشا بعصير ليمون حامض، مكان المطعم حلو وقعدته حلوة فيها خصوصية والطاولات مولاصقين أبعض، الخدمة والأسعار ممتازة، وحبيت أشكر إدارة المطعم على الإهتمام والخدمة الممتازة