كنت مع 2 من الشباب وسمعتهم يتكلمون عن موقع يبيع منتجات أبل بأسعار رخيصة، وكل شوي يعلقون على منتجات الموقع وأن أسعارهم وايد زينة، لما قررو أن يشترون منه، جان أتحمس معاهم وأقولهم شنو الموقع خل أشوفه يمكن أشتري معاكم؟ لما جيكت على الموقع لاحظت أن مافيه شهادة حماية والدفع عن طريق ويستيرن يونيون، وهالشغلتين كافيين عشان يخلون الواحد يشك بالموقع، لأن لو صج شركة رسمية وتبي تتوسع أون لاين جان وفرو طريقة الدفع عن طريق الفيزا وماستركارد، وفي موقع يوفر خدمة تقييم المواقع ويعطيك مؤشر حق الموقع اللي تشك فيه ويقولك إذا موقع رسمي وشغال ولاموقع للنصب والإحتيال
Mywot
وبعد ماعرفت أنه موقع مو موثوق فيه بلغت الشباب وكنسلو فكرة الشراء.. في أدوات وايدة غير هالموقع ممكن تعرفون عن طريقها إذا الموقع موثوق فيه ولا لا، كل اللي عليكم أنكم تستخدمون قوقل للبحث عنها