كنت قاعد بكوفي ريبابليك في 360 وقعد جدامي واحد بيني وبينه حاجز “الطوفة الخضرة” بعد ماقعد طلع ويهه صوبي وطلع زقارة و ولعها صوبنا وخله إيده وره الطوفة عشان الدخان لايدش عنده وإحنا إبتلشنا بدخانه، تحملنا لما الأخ خلص زقارته، ولا يطلع زقارة ثانية وثالثة، لما قمنا من المكان بكبره، إذا أهو مايبي الدخان صوبه شلون يرضاها على الناس!!؟ وليش يدخن أصلاً إذا مايبي الدخان!!؟
أمس من بعد تفكير وبحث قررت أني أتعشى من پوش كافيه في مجمع 360، كنت متوقع يكون زحمه لكن الكافيه كان هادي ومريح والمجمع بشكل عام كان فاظي، بلشنا نطلب وأول شي يابوه البطاط، شكله غريب شوي والقطع ضعاف وكان جيد
بعدها يابو الوجبات الرئيسية، هاذي تندرلوين ميداليوز، عجبتني وايد والستيك ول دن ومضبوط ويي مع قطع بطاط مع صلصة الجبن
الطبق الثاني كان تشيكن ومشروم سكالوب
وبعد العشى خذيت لي كراميل ماكياتو، ألوانها متدرجة شكلها صاير يشهي، بس طلبو زيادة كاراميل حق اللي يحب
تقديراً لشغف وأداء عبدالرحمن المحميد المشارك في برنامج أراب قوت تالينت عالأم بي سي 4 قررت شركة اليسرة للدعاية والإعلان إقامة أمسية غنائية لعبدالرحمن المحميد في مجمع 360 مساء يوم الأثنين 17/10/2011 وسترافقه فرقة موسيقية مكونة من 20 عازف
سويت تصويت بالفترة الأخيرة على أكثر مجمع تستمتعون فيه، وحصل الأفينيوز على 50% من الأصوات وبعده 360 وبعده مارينا مول، واستغربت أن سوق شرق يه بالمرتبة الرابعة، كنت متوقع أن يكون من ضمن آخر 3، أوكي خلونا نشوف الحين شنو أكثر مسلسل أتابعونه بهالفترة، يرجى التصويت في القائمة اليسرى للمدونة
تنظم شركة بلانك هنتس مخيم صيفي في مجمع 360 للأطفال من سن 5 إلى 12 سنة ويتضمن المخيم مجموعة من الأنشطة منها الرسم، الأشغال اليدوية، نشاط المسرح، القراءة، ممارسة الرياضة و لعبة الكنز الشهيرة، دائماً تقدم شركة بلانك هنتس نشاطات جديدة فريدة من نوعها
تكثر المجمعات التجارية في الكويت والناس يحبون يتمشون بالمجمعات والأماكن المغلقة بسبب حرارة الجو في الأماكن المفتوحة، خلونا نعرف شنو أكثر مجمع يحبونه ويرتاحون له الناس عن طريق التصويت على المجمع اللي تفضلونه في نموذج التصويت على يسار المدونة مع ذكر سبب إختياركم في التعليقات
Loading ...