أنقري بيرد أو الطير الغاضب يكسر جدار آي سيتي في مجمع الأفينيوز، والناس فرحين بوجوده ويستغلون الفرصة للتصوير معه، تصميم ممتع من آي سيتي
Posts Tagged ‘Avenues’
Angry bird attacks icity
Tuesday, July 5th, 2011أنقري بيرد أو الطير الغاضب يكسر جدار آي سيتي في مجمع الأفينيوز، والناس فرحين بوجوده ويستغلون الفرصة للتصوير معه، تصميم ممتع من آي سيتي
لون الكويت بالأحمر
Monday, July 4th, 2011
ينظم نادي ٢٥ التطوعي حملة “لون الكويت بالأحمر” وتم تخصيص مكان في مجمع الأفينيوز مقابل مكتبة ذات السلاسل للتبرع بالدم
فريق العمل متواجد في الأفينيوز في أيام السبت والأحد والثلاثاء والخميس من كل أسبوع حتى منتصف شهر ٧ لمساعدة الكويتيين والمقيمين على التبرع بالدم من أجل الكويت
تكسر الحواجز الزجاجية
Sunday, May 29th, 2011
تم كسر أحد الحواجز الزجاجية في مواقف الأفينيوز، لكن مازال هذا الحاجز صامد، أتساءل ماسبب هذا الكسر حيث أنه من الأعلى إلى الأسفل، لو فرضنا أن شيئ ما صدم هذا الحاجز لكانت الآثار في مكان واحد لكن الآثار في كل الحاجز، ما قد يكون سبب كسر هذا الحاجز برأيكم!؟
عيش مع صلصة الفقع
Monday, January 17th, 2011
اليوم كنت مشتهي عيش عالغدا فرحت مطعم رايس بالأفينيوز، وهاذي المنيو، يعجبني المنيو اللي كله صور
هذا طلبي عيش مع صلصة فقع، لذيذ جداً مع سلطة الجرجير
تقييم المطعم ضروري، لي زيارة ثانية انشالله
PF Changs horses
Sunday, September 5th, 2010
المطعم الصيني “ب ف جانقز” في الأفينيوز شال الحصن اللي كان حاطهم عند المدخل من فترة، الحصن كانو معطين شكل حلو حق المدخل بس مادري ليش شالوهم!؟ أحس في شي ناقص بالمطعم، جنه لما واحد يطيح ضرسه ويحس أن في فراغ كبير مكانه، شرايكم بالتشبيه لول
يمنع النوم في المصلى
Thursday, August 19th, 2010
هاللوحة شفتها بمصلى في مجمع الأفينيوز، شكلهم لاحظو ان في ناس ينامون بالمصلى وايد، عاد مادري اذا ناس على قد حالهم ولا يكون سايق ناطر معزبته تخلص من التسوق وينام بالمصلى وينطرها تدق عليه لول، بس في كلا الحالتين ما أتوقع أن هالفئة (اللي ينامون بالمصلى) يعرفون يقرون، فوجود اللوحة غير مجدي بشكل كافي على قولتهم، المفروض يوصون العامل المسؤول عن المصلى ويقولون له لاتخلي أحد ينام بالمصلى
منطقة ميته في الأفينيوز
Sunday, August 8th, 2010
منطقة المطاعم اللي فوق النافورة في الأفينيوز ميتة، فوق سطرة المطاعم كايزن و أونو، الزباين اللي فيها ينعدون على الأصابع، مع أن المنظر حلو من فوق بس دايماً أشوف هالمنطقة فاظية، آخر مرة مريت هناك جان أشوف جام أحد المطاعم مغبر وكاتبين عليه مرام.. عبودي.. للبيع لول، لي هالدرجة ماكو أحد يمر هناك!؟ جنه هالمنطقة مو محسوبة من الأفينيوز!؟
