كايزن: كلمة يابانية مركبة من جزئين “كاي” وتعني التغيير و “زن” وهي تعني الأفضل أو الأحسن، وهي فلسفة إبتكرها (تاييشي أوهونو) لقيادة المؤسسات المالية ولتطبيقها في كل نواحي الحياة، وفي ميدان الأعمال أو الصناعات تشير كلمة “كايزن” إلى النشاطات التي تؤدي إلى تحسين جميع نواحي العمل بشكل مستمر
ويتم استخدام هذه الفلسفة أو هذه الطريقة في الإدارة مؤخراً لتطوير الذات وتحقيق الأهداف الشخصية عن طريق وضع جدول شخصي يحتوي على أنشطة يومية صغيرة جداً (كمكالمة هاتفية مثلا) – لمشاهدة مثال على كايزن يرجى زيارة موقع أصحاب الأفكار
إدارة الوقت شي مهم بحياة كل شخص فينا، بس في ناس عندهم مشكلة بهالنقطة، مرات نشوف النساء يتأخرون بالطلعة بسبب التزين و البرود على سبيل المثال، و بعض الشباب يتأخرون عن مواعيدهم بسبب النوم أو اللا مبالاه، بهالموضوع نبي نناقش أسباب التأخر عن المواعيد وطرق حلها، وبعض الأمثله اللي صارت لكم سبب تأخير الآخرين
تم بحمدالله إفتتاح موقع “أصحاب الأفكار” المتخصص لأصحاب المشاريع الصغيرة والذي يحتوي على الأقسام التالية: أخبار عالم المال والأعمال، استطلاع الرأي، المشاريع القائمة، أفكار لمشاريع صغيرة جاهزة للتطبيق، دروس في الأدارة والتسويق وتطوير الذات، مقابلات مع رجال و سيدات الأعمال، وانشاء الله سيكون هناك تحديث مستمر للموقع – إضغط هنا لزيارة موقع أصحاب الأفكار
ياتني استفسارات كثيرة عن مشروعي “أصحاب الأفكار” و أغلب الإستفسارات كانت تطلب توضيح عن المشروع، فقلت أكتب عنه عشان تكون الصورة واضحة، موقع أصحاب الأفكار عبارة عن منتدى متخصص لأصحاب المشاريع الصغيرة، أقسام المنتدى متنوعة مثلا في قسم الأفكار، ممكن أي شخص يدش هالقسم ويشوف شنو الأفكار اللي ممكن يتبناها ويشتغل فيها كمشروع صغير، و في قسم المشاريع القائمة، كل صاحب مشروع يقدر يكتب بهالقسم ويعرف الناس على مشروعه الخاص وتكون مثل دعاية حقه وحق مشروعه، وقسم الدروس اللي يحتوي على دروس في الإدارة والتسويق و تطوير الذات، و قسم المقابلات راح يكون فيه مقابلات مع أصحاب المشاريع ومع رجال و سيدات الأعمال ، وآخر قسم مخصص لإستطلاع الراي وراح يكون فيه تصويت واستبيان عن مواضيع مختلفة
في ناس يقولون لي احنا ماعندنا مشاريع يعني مايصير نسجل؟ أقولهم أمبلى أكيد تقدرون تسجلون مو شرط يكون عندكم مشاريع، المهم يكون ميولكم صوب البزنس وتقدرون تتابعون المواضيع وتستفيدون
هذا المختصر المفيد عن المشروع وانشالله مع زيادة عدد المشتركين راح تشوفون إضافات أكثر تفيد أصحاب المشاريع، مو بس أون لاين .. أوف لاين بعد
المنتدى راح يفتح شهر 7 واللي حاب يستلم تبليغ عن إفتتاح المنتدى قبل لا أعلن عن الإفتتاح الرسمي يقدر يسجل بالقائمة البريدية وراح يكون من أول الناس اللي توصلهم أخبار المشروع أول بأول
ملاحظة: نموذج التسجيل اللي في الرابط أعلاه غير عن اللي موجود على يسار المدونة
اللي بالوصلة اللي فوق مخصص حق أخبار مشروع أصحاب الأفكار
أما اللي عاليسار ( اللي فوق التصويت بالمدونة ) مخصص لأخبار المدونة
فاللي سجلو بالفورمه اللي عاليسار ماراح يستلمون أخبار مشروع أصحاب الأفكار، لازم يسجلون بالفورمه اللي بالوصلة عشان توصلهم أخبار المشروع اليديد أول بأول
Loading ...