بعد ماشفت إعلان الوجبة اليديدة من ماكدونالدز قلت لازم أجربها لأن ماكدونالدز لذيذ ويطلع بطلعات حلوة، وأول ماطلعت من الدوام سيدة حق ماك

أولاً قبل لا أقيم الوجبة بقولكم أنا شنو أحب عشان تعرفون ذوقي وتحكمون على هالأساس، أنا كل ما أروح ماكدونالدز دايماً أطلب ماك تشيكن وهاذي وجبتي المفضلة، ولما جربت المكسيكي لقيتها حلوة وزينة لكن الماك تشيكن أحلى منها وأخف منها، المكسيكي صمونتها ثقيلة شوي وعليها حبوب مادري شنو يسمونه، والدياي اللي فيها سميك بالنسبة للماك تشيكن، فقراري هو العودة للمنتج القديم “ماك تشيكن” أفضل وأخف من المكسيكي

وهذا تقرير عن المكسيكي من مدونة المباركية ، الأخ يوسف جرب الوجبة وعجبته، وقال إنها حارة لكن ماحسيت بحرارتها يمكن لأني متعود عالفلفل، اللي وده يجربها خل يلحق عليها لأنها بتختفي بعد تاريخ 27 أبريل، وبالعافية عليكم