اليوم الرابع والأخير من برنامج فيفا التدريبي، بدا اليوم من الساعه 11 الصبح لي الساعه 6 بالليل في هيلتون المنقف، أول نشاط عبارة عن مسابقة من لعبة كلوو بس للأسف كان عندي ظرف وكنت ياي متأخر وماقدرت أصور أحداث اللعبة، اللي عنده صور خل يدزلي عشان أظيفها حق الموضوع، بعدها قدمو لنا الغدا اللذيذ مع اني ماكليت بس شكله لذيذ لول
بعد الغدا بدا حفل التكريم، السيد عمر الحوطي و السيد فهد الفهد كرموا المشاركين في البرنامج
كلمة ختامية من الرئيس التنفيذي لشركة فيفا، السيد نجيب العوضي
فريق الصحافة اللي كان متواجد للتصوير
في التكريم كل واحد عطوه جيس هدايا، لما وصلت البيت فتحت الجيس وكان فيه
بلوزة فيفا + كوب فيفا + شهادة + بلاك بيري بولد + كاليندر وأجيندة + خط فيفا ذهبي
الهدايا تسوه وعلى مستوى، أهم شي البلاك بيري و الخط والشهادة
هاذي الورقة اللي داخل الظرف.. وفي النهاية أشكر كل من السيد شملان البحر، السيد عمر الحوطي، السيد فهد الفهد و السيد نجيب العوضي الرئيس التنفيذي لشركة فيفا، وأشكر كل المسؤولين والمساهمين في إنجاح هذا البرنامج التدريبي الأكثر من رائع، وفرصة سعيدة اللي تعرفت فيها على أصحاب المشاريع الطموحين وانشالله نكون على تواصل دائم
