
وجدت صعوبه في البحث عن جدول عرض البرامج الرمضانية لذلك قمت بإعداد جدول يبين عرض البرامج والمسلسلات لقناة الوطن، أم بي سي1، فنون و الراي خلال شهر رمضان الكريم أعاده الله علينا وعليكم بالخير والبركة

وجدت صعوبه في البحث عن جدول عرض البرامج الرمضانية لذلك قمت بإعداد جدول يبين عرض البرامج والمسلسلات لقناة الوطن، أم بي سي1، فنون و الراي خلال شهر رمضان الكريم أعاده الله علينا وعليكم بالخير والبركة

قبل جم يوم مريت الأفينيوز بعد الفطور وطبعاً الزحمة موطبيعية على المواقف، قعدت أفتر بالمواقف 20 دقيقة، قلت لو رايح حق الفاليه أسرع، جان أشوف هندي راكب جيب و واقف بالموقف و توه نازل من السيارة بروحه، جان أقوله تعال يبه أخذ 0.5 دك وعطني الموقف، قالي لا عطني 1 دك وأطلع من الموقف لول، شكله خبره في تبادل المواقف، عطيته 1 دك وريحت بالي وصفطت مكانه قلت أحسن بدال لا يظيع الوقت وانا أحوس بالمواقف، والهندي شكله راح يدور موقف ثاني ويدور واحد ثاني يعطيه 1 دك، صار عنده سمول بزنس بدون راس مال لول

الله أكبر الله أكبر، بعد ماتسمع هالكلمتين الفير تحس بعطش مع أنك تكون شارب ماي قبل لا يأذن، بس مادري ليش الواحد يحس أن عطشان بعد ما يأذن الفير، أعتقد أنه عامل نفسي يخلينا نحس أن الأكل والشرب صارو ممنوعين الحين، وهني تنطبق المقولة اللي تقول كل ممنوع مرغوب، ونفس الشي لما يأذن المغرب، في أشخاص يكونون يواعه قبل أذان المغرب ويحسون أنهم بياكلون السفرة كلها، وبعد ما يأذن وياكلون التمر وشوية تشريبة و شوربة يشبعون ويقومون من السفرة، هم نرجع للمقولة اللي تقول كل ممنوع مرغوب، وبعد أذان المغرب صار الأكل والشرب مسموح مو ممنوع، طبعا هذا كلام عام، في ناس من بعد أذان المغرب لي أذان الفير وأهما ياكلون ماشالله عليهم لول
فلم السحور الأخير، واحد يعزم ربعه قبل رمضان على السحور.. اللي ماله خلق واللي راز ويهه، شوفو الدقيقه 1:40 و الدقيقة 2:47 هههه، الفلم قصير وخفيف، يستاهل النشر

مع بداية شهر رمضان دايماُ نشوف دعيات شراب فيمتو من قبل لا يبدي الشهر لي آخر يوم في رمضان، اللي مستغرب منه ليش الناس يشترون فيمتو برمضان أكثر من باجي الأشهر؟ شاللي يميزه عن غيره؟ صار الفيمتو مربوط بشهر رمضان مثل القمردين إذا مو أكثر،انا عن نفسي أشرب الفيمتو إذا كان جدامي بس ما أتعنى وأشتريه، الحين السؤال يقول ليش الناس يشترون فيمتو في رمضان بشكل كبير؟
المسلسلات هالسنة أحلا من السنة اللي طافت، بس يضل في مسلسلات توب أحسن من غيرها، عشان جذي سويت تصويت حق المسلسلات وخنشوف شنو أكثر مسلسل له نسبة متابعين كبيرة، تقدرون تصوتون بالتصويت في الجانب الأيسر من المدونة، ممكن إختيار أكثر من خيار.. شكراً