قصتة الفلم عن حياة عمر وسلمى بعد مرور فترة على زواجهم وقامو يحسون أن حياتهم باردة ومملة وهذا شي طبيعي يصير بين كل المتزوجين، ويناقش الفلم هالفترة بين الزوجين وشلون يقدرون يعالجون هالشغلة بينهم، فكرة الفلم حلوة وايد وتقييمي له 8.5/10 لأن خربو فكرة الفلم بإدخال الكوميديا بكثرة
Posts Tagged ‘review’
تقييم فلم عمر وسلمى 3
Saturday, March 3rd, 2012Woman in Black تقييم فلم
Friday, March 2nd, 2012
فلم “وومان إن بلاك” من الأفلام الأخيرة اللي شفتها بالسينما، فلم رعب من الدرجة الأولى، قصته عن بيت مجهور يبون يبيعونه ويطرشون المحامي علشان يدقق بالمستندات اللي داخل البيت، ويكون المحامي مجبور على هالشغلة لأن ماعنده مصدر دخل ثاني وعنده ولد يبي يربيه ويهتم فيه، ويكتشف مع الوقت أن البيت فيه روح شريرة وكل شخص يشوف هالروح يموت طفل من أطفال المدينة، ويبدون أهل المدينة يحقدون على المحامي لأن كل مرة يشوف الروح الشريرة ويموت طفل من أطفالهم، ويحاول المحامي أن يعالج الموضوع بأجواء مليئة بالرعب
هاذي دعاية الفلم، الفلم كلللش مو حق اليهال، أنا نقزت جم نقزة المخرج مايغشمر يا جماعة لول
The vow تقييم فلم
Monday, February 13th, 2012
شفت هالفلم اليوم، قصته عن أثنين يتقابلون بالصدفة ويتزوجون ويحبون بعض وايد وكل شي من أروع مايكون، لكن تتعرض الزوجة لحادث يخليها تفقد الذاكرة وآخر شي تتذكرة أهي الأحداث اللي صارت لها بمرحلة الثانوية واللي بعد هالمرحلة ينمسح من ذاكرتها، ويحاول زوجها أن يرجع لها ذاكرتها بطرق مختلفة
هذا التريلر، الفلم رومانسي ومقتبس عن قصة حقيقية، تقييمي له 9/10
Review: alvin & the chipmunks
Saturday, January 28th, 2012
هالفلم يجمع مابين الرسوم المتحركة والواقع، قصة الفلم عن فرقة غنائية استعراضية مكونة من مجموعة من السناجب و يديرهم إنسان، يسافرون حق مسابقة عالمية علشان يشاركون فيها، وهما بالطريج يتعرضون حق مشاكل بسبب عدم مسؤولية أحد السناجب، الفلم جيد جداً للأطفال اللي أعمارهم من 5 إلى 9 ورسالته للأطفال يعلمهم أنهم لازم يسمعون الكلام علشان لايطيحون بمشاكل، لكن للأسف الرسالة مو واضحة 100%
Don2 تقييم فلم
Wednesday, January 25th, 2012
فلم “دون2″ من أحلى الأفلام حق شاروخ خان، يعرض حالياً بالسينما
قصة الفلم عن مجرم يتصف بالثقة الكبيرة بالنفس والذكاء الحاد، يخطط لسرقة قوالب لطباعة اليورو من البنك المركزي عشان يطبع فلوس مالها أول ولا تالي، وعملية كبيرة مثل هاذي لازم يكون لها خطة إستراتيجية مدروسة بعناية فائقة، فيحتاج لتحويل أعدائه لأصدقاء مؤقتين عشان ينفذ الخطة، الفلم أكثر من رائع ولازم تشوفونه، أحداث الفلم غير متوقعة ومثيرة وتشد وايد
مدة الفلم ساعتين ونص تقريبا ولاحظت أن أفلام شاروخ خان مافيها أغاني وايد مثل باجي الأفلام الهندية، هالفلم فيه أغنية وحدة فقط، وبرايي أن شاروخ خان رجع مكانته وسمعته من بعد فلم “را ون” اللي طيح سوقه، تقييمي لفلم “دون2″ بشكل عام 10/10 وهذا أول فلم أكتب عنه وأعطيه درجة كاملة!
وهذا تقييم الفلم بموقع موفي داتابيس معطينه 7.3 وعدد المصوتين أكثر من 9000 شخص
Review: Potbelly
Friday, January 20th, 2012
أمس جربت مطعم بوت بيلي في مجمع الأفينيوز، مكانه خلف حوض السمج اللي صوب الفوود كورت، أول ماوصلت خذيت طاولة وعطوني المنيو، بعد فترة نطرت الجرسون أييني عشان أطلب بس محد يه، ولما كلمتهم قالولي أنت لازم تروح تطلب بنفسك من الكاشير! بعدين استوعبت أنهم يتبعون نظام يديد ورحت أطلب
كان المطعم مزدحم شوي وصفيت دور
أول شي راح تلقون ثلاجة البيبسي والماي وبعض مشروبات الطاقة، تاخذون اللي تبونه وتنتقلون حق الخطوة اللي بعدها
الخطوة الثانية تختارون نوع الصمونة هل كبيرة أو صغيرة؟ خبز أبيض أو أسمر؟ وبعدها تختارون نوع الوجبة دياي، لحم وغيرهم
الخطوة الثالثة تختارون الإضافات من خس، طماط، مايونيز، رانش و زيتون وغيرهم
وبالنهاية تحاسبون عند الكاشير، أول ماطلبت منهم التصوير تزهبو على طول لول، حسيتهم مجربين من قبل مو أول مرة أحد يصورهم
وجبة الجريلد تشيكن (عاليسار) حلوه وخفيفة، وعاليمين وجبة الريك، ديك رومي و بيف هم لذيذة
الفاتورة طلعت بـ 4.600 دك شامل صمونتين + 2 بيبسي, السعر مناسب ومعقول
وهذا المنيو حق اللي حاب ياخذ فكرة عن المطعم ونوعية الوجبات، تجربتي كانت ناجحة مع بوت بيلي وأقدر أقول أنه مثل مطعم (سب واي) بس مطور، تقييمي له 9/10 بس في إنتقاد بسيط عليهم، أن الطاولات يم بعض وصاير شوية ضيج خصوصاً أن في عوايل يدشون ومعاهم عربانة الياهل وياخذون مكان من الممرات
Review: Posh Cafe
Monday, November 14th, 2011
أمس من بعد تفكير وبحث قررت أني أتعشى من پوش كافيه في مجمع 360، كنت متوقع يكون زحمه لكن الكافيه كان هادي ومريح والمجمع بشكل عام كان فاظي، بلشنا نطلب وأول شي يابوه البطاط، شكله غريب شوي والقطع ضعاف وكان جيد
بعدها يابو الوجبات الرئيسية، هاذي تندرلوين ميداليوز، عجبتني وايد والستيك ول دن ومضبوط ويي مع قطع بطاط مع صلصة الجبن
الطبق الثاني كان تشيكن ومشروم سكالوب
وبعد العشى خذيت لي كراميل ماكياتو، ألوانها متدرجة شكلها صاير يشهي، بس طلبو زيادة كاراميل حق اللي يحب
