من الأفلام اللي راح تنزل يوم الخميس 24/5/2012 فلم مين إن بلاك 3 ، مع أني ماحب الأفلام الخيالية اللي لها علاقة بالفضاء وهالسوالف بس احتمال أني أشوف هالفلم لأن ماكو شي غيره يسوه
الفلم الثاني ماعجبني التريلر ماله وماتشجعت أني أشوفه
أما الثالث “ذا بيج ويدنج” أو العرس الكبير ، ماحصلت له تريلر وشكلهم مو تاعبين عليه لأن ماكو شي يسوه عن هالفلم بالنت
لاحظت أن الأفلام اللي بيعرضونها خلال الشهر الياي كلها أجنبية وماكو أفلام عربية ، يمكن خاشين الأفلام العربية حق العيد
فلم درايف من الأفلام التي تعرض في سينما الكويت، تدور أحداث الفلم عن سائق يمثل المشاهد الخطرة في الأفلام مثل المطاردات وتقلب السيارات، وبعد الظهر يساعد العصابات في سرقاتهم حيث يلعب دور السائق الذي يساعدهم على الفرار من الشرطة بعد كل سرقة تحدث، فكرة الفلم جيدة ولكن الإخراج تعيس جداً والفلم كئيب و ممل لدرجة كبيرة، هناك فترات سكوت طويلة بالفلم ولو جمعنا الوقت الذي يتحدث فيه البطل لوجدنا أنه 10 دقائق فقط، الخلاصة.. لا أنصح بمشاهدته بالسينما ولا في المنزل
فلم “وومان إن بلاك” من الأفلام الأخيرة اللي شفتها بالسينما، فلم رعب من الدرجة الأولى، قصته عن بيت مجهور يبون يبيعونه ويطرشون المحامي علشان يدقق بالمستندات اللي داخل البيت، ويكون المحامي مجبور على هالشغلة لأن ماعنده مصدر دخل ثاني وعنده ولد يبي يربيه ويهتم فيه، ويكتشف مع الوقت أن البيت فيه روح شريرة وكل شخص يشوف هالروح يموت طفل من أطفال المدينة، ويبدون أهل المدينة يحقدون على المحامي لأن كل مرة يشوف الروح الشريرة ويموت طفل من أطفالهم، ويحاول المحامي أن يعالج الموضوع بأجواء مليئة بالرعب
هاذي دعاية الفلم، الفلم كلللش مو حق اليهال، أنا نقزت جم نقزة المخرج مايغشمر يا جماعة لول
فلم إماراتي قصته عن مراهق يحب بنت في عمره ويحاول يعبر لها عن حبه، ويقترح عيله صديقه أن يشتري لها هدية كتعبير عن الحب، ويسعى جاهداً لشراء الهدية ليتقرب منها لكن العادات والتقاليد تقف ضد حبه، يشارك بالفلم الفنان أحمد إيراج وسيعرض بالسينما الكويتية بتاريخ 17/11/2011
تدورأحداث الفيلم في إطار رومانسي كوميدي حيث يعرض فكرة لجوء بعض البشر إلى ارتداء أقنعة لإخفاء حياتهم ومشاكلهم ورائها، وذلك عندما تجمع الصداقة بين فتاتان تعملان باﻹعلام وتقديم البرامج الإذاعية، لكل منهما أسلوبه الخاص في الحياة وفي عملهما، فالفتاة ليلى (منة شلبي) التي تقع في حب زميلها بالعمل المهندس حسن والذي يرتدي هو الآخر قناع ليخفي حياته، وسيعرض بالسينما الكويتية بتاريخ 17/11/2011
فلم تن تن أو “تان تان” على قوله بعض الناس، والله توني أدري أنه تن تن مو تان تان، ترجمة غير موفقة للفريق اللي ترجم كرتون “تان تان” في السابق، المهم أن فلم “تن تن” راح يعرضونه بالكويت بتقنية آي ماكس إبتداءاً من الخميس 3/11/2011
وهذا تريلر الفلم شكله يسوه لأن الرسوم على مستوى عالي
وهذا الممثل جيمي بيل اللي أدى دور تن تن، والله فيه شبه من تن تن مو بعيد عنه
شفت فلم ريدي حق سلمان خان، قصته عن وحدة عندها ورث بالملايين وأعمامها يتهاوشون عليها كل واحد يبيها زوجة حق ولده علشان فلوسها، وبالصدفة تتعرف على سلمان خان وتصير بينهم علاقة حب
ويتدخل سلمان خان بعايلتها ويحاول يصفي النفوس، الفلم لايخلو من الأحداث الخيالية الغير منطقية وأعطيه ٧٠٪ بشكل عام
HiKuwait Blog is proudly powered by
WordPress
Entries (RSS)
and Comments (RSS).
ملاحظة: جميع التعليقات تعبر عن وجهة نظر اصحابها وليست وجهة نظر المدوّن